Шелепов, Сергей Евгеньевич

Сергей Шелепов (Сергей Евгеньевич Шелепов) (1955 вӱдшор 8, РСФСР, Свердловск вел, Карпинск ола) — руш серызе, геодезист, топограф, маркшейдер, амалкалче, Россий Серызе-влак ушемын йыжъеҥже (2003).

Сергей Евгеньевич Шелепов
Сергей Шелепов
Шочмаш дене лӱм	Сергей Евгеньевич Шелепов
Шочын	1955 ий 8 вӱдшор(1955-04-08) (70 ий)
Шочмо вер	РСФСР, Свердловск вел, Карпинск ола
Чап пӧлек да премий	Россий Серызе-влак ушемын Чапкагазше (2003)

Илыш корныжо

Сергей Шелепов 1955 ийын вӱдшор тылзын 8-ше кечынже Свердловск вел Карпинск олаште служышо ешеш шочын. Йоча пагытше Киров областьыште эртен. 1972 ийыште Яраҥ олаште кыдалаш школым пытарен. Кӱшыл шинчымашым Коми Республик Ухта оласе индустриальный институтышто налын. Курык инженер-геофизик лиймек, 1980–1986 ийлаште специальностьшо дене Ухтасе геологоразведочный экспедицийыште, вара корным чоҥышо управленийыште геодезистлан, проектный институтлаште топографлан, маркшейдерлан ыштен.

1998 ий гыч Йошкар-Олаште ила. Амалкалыме пашам шуктен, чоҥымаш объект-влаклан проектым ышташ топогеодезический пашалык лицензийже уло. РМЭ Писатель ушем пеленсе Литфондым вуйлатен.

Литератур пашаже икымше гана 2000 ийыште лектын, тунам «Короткие встречи» сборникыште «Акимово горе» ден «Придурок Мотя» ойлымаш-влакше савыкталтыныт. Ик ий гыч шкенжын ойлымаш-влак книгажым савыктен, тудо «Не будет ли завтра ненастья...» маналтын. Варажым ойлымашыже-влак «Русское слово в Марий Эл» (2004), «Время пить херши» (2007) сборниклаште лектыныт.

Россий Серызе-влак ушемын (2003 ий годсек тудын йыжыҥъеҥже) Чап грамотыж дене палемдалтын.

Тӱҥ произведенийже-влак

• Не будет ли завтра ненастья? : рассказы. Йошкар-Ола, 2001. 224 с.
• Артель дураков. Йошкар-Ола, 2004. 400 с.
• Акимово горе ; Придурок Мотя : рассказы // Короткие встречи. Йошкар-Ола, 2001. С. 403—436.
• Гробы : рассказ // Русское слово Марий Эл. Йошкар-Ола, 2004. С. 294—300.
• Величаевские дни : рассказ // Дружба. Время пить херши. Йошкар-Ола, 2007. С. 3—60.

Илышыже да творчествыже нерген литератур

• Краткая биогр. справка // Короткие встречи. Йошкар-Ола, 2001. С. 403.
• Писатели Республики Марий Эл : автобиобиблиогр. сборник. Йошкар-Ола, 2004. С. 72.

Чап

• Россий Серызе-влак ушемын йыжъеҥже (2003).
• Россий Серызе-влак ушемын Чапкагазше (2003).

Литератур

• Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 672-673.