Kabupaten Kepulauan Mentawai adolah salah satu kabupaten nan talatak di provinsi Sumatera Barat, Indonesia. Kabupaten iko tabantuak manuruik UU RI No. 49 Tahun 1999[6] dan dinamoi manuruik namo asali geografisnyo. Kabupaten iko tadiri ateh 4 kalompok pulau utamo nan bapauni yaitu Pulau Siberut, Pulau Sipora, Pulau Pagai Utara dan Pulau Pagai Selatan nan diuni dek mayoritas urang Mentawai.[7] Salain itu masih ado babarapo pulau ketek lainnyo nan bapauni, tapi sabagian gadang pulau nan lain hanyo ditanami jo pohon karambia.[8]
Kabupaten Kapulauan Mentawai | ||
---|---|---|
Daerah tingkat II di Sumatera Barat, Indonesia | ||
| ||
Semboyan: Musara Kasimaeru | ||
Nagara | Indonesia | |
Provinsi | Sumatera Barat | |
Dasa hukum | UU No 49 Tahun 1999 | |
Ibu kota | Tuapejat | |
Pamarintahan | ||
• Bupati | Yudas Sabaggalet[1] | |
• Wakil Bupati | Kortanius Sabeleake | |
Laweh | ||
• Total | 6.011,35 km2 (232,100 sq mi) | |
Panduduak (2020)[2] | ||
• Total | 92.021 jiwa | |
Demografi | ||
• Etnik | Mentawai, Minangkabau, Jao, Batak | |
• Agamo | Kristen 77,59% - Protestan 48,50% - Katolik 29,09% Islam 22,22% Lainnya 0,19%[3] | |
Zona wakatu | ||
Kode telepon | - | |
Jumlah kecamatan | 10[4] | |
Jumlah kelurahan | 43 [4] | |
DAU | Rp. 465.535.454.000.-(2013)[5] | |
Palabuahan udaro | Rokot | |
Kode Kemendagri | 13.09 | |
Situs web | mentawaikab.go.id |
Sajak taun 1999, wilayah Kapulauan Mentawai dikukuahkan manjadi sabuah kabupaten banamo Kabupaten Kepulauan Mentawai nan baibu koto di Tua Pejat. Sabalunnyo, Kapulauan Mentawai masuak ka dalam pamarintahan Kabupaten Padang Pariaman.
Kabupaten Kapulauan Mentawai marupokan kabupaten kapulauan nan talatak mamanjang di bagian paliang barat pulau Sumatera dan dikaliliangi dek Lautan Hindia.
Kapulauan Mentawai marupokan bagian dari sarangkaian pulau non-vulkanik dan gugus kapulauan itu marupokan puncak-puncak dari suatu pungguang barisan gunuang bawah lauik.
Kapulauan Mentawai punyo ampek pulau gadang, yakni:
- Pulau Siberut
- Pulau Sipora
- Pulau Pagai Utara
- Pulau Pagai Selatan
- jo pulau-pulau ketek lainnyo.
Di wilayah lauik Kapulauan Mentawai ado babarapo selat, antaro lain:
- Selat Mentawai, yakni selat nan mamisahan Pulau Sumatera jo Kapulauan Mentawai
- Selat Siberut, yakni selat nan mamisahan Pulau Siberut jo Pulau Sipora
- Selat Sipora, yakni selat nan mamisahan Pulau Sipora jo Pulau Pagai Utara
- Selat Sikakap, yakni selat nan mamisahan Pulau Pagai Utara jo Pulau Pagai Selatan
- Selat Sanding
Pusek pamarintahan dari Kabupaten Kapulauan Mentawai talatak di Tuapejat, sabalah utara dari Pulau Sipora.
Daftar Bupati
No | Bupati | Mulai Jabatan | Akhir Jabatan | Prd. | Ket. | Wakil Bupati | ||
---|---|---|---|---|---|---|---|---|
Drs. Badril Bakar[9] |
||||||||
Antonius Samangilailai, S.H.[11][12] | ||||||||
Edison Saleleubaja, S.Th. | ||||||||
Parlindungan Sihombing | ||||||||
Yudas Sabaggalet S.E., M.M. |
||||||||
Drs. H. Syafrizal M.M. |
||||||||
Yudas Sabaggalet S.E., M.M. |
||||||||
Martinus Dahlan S.Sos., M.M. |
||||||||
(-) | Fernando Jongguran Simanjuntak, S.St.Pi., M.Pi. | |||||||
|
Dewan Perwakilan
Barikuik iko adalah komposisi anggota DPRD Kabupaten Kepulauan Mentawai dalam duo periode tarakhia.[19][20]
Partai Politik | Jumlah Kursi dalam Periode | |
---|---|---|
2014-2019 | 2019-2024 | |
Gerindra | 2 | 2 |
PDI Perjuangan | 4 | 4 |
Golkar | 4 | ▼ 2 |
NasDem | 3 | 3 |
Garuda | (baru) 2 | |
Perindo | (baru) 2 | |
PAN | 2 | 2 |
Hanura | 2 | ▼ 1 |
Demokrat | 2 | 2 |
PBB | 1 | ▼ 0 |
Jumlah Anggota | 20 | 20 |
Jumlah Partai | 8 | ▲ 9 |
Kecamatan
Kabupaten Kepulauan Mentawai mampunyoi 10 kecamatan jo 43 desa. Laweh wilayahnyo mancapai 6.011,35 km² dan panduduak 83.517 jiwa (2017) jo sebaran 14 jiwa/km².[21][22]
Daftar kecamatan dan kelurahan di Kabupaten Kepulauan Mentawai, adolah sabagai barikuik:
Kode Kemendagri | Kecamatan | Jumlah Desa | Status | Daftar Desa |
---|---|---|---|---|
13.09.10 | Pagai Selatan | 4 | Desa |
|
13.09.01 | Pagai Utara | 3 | Desa | |
13.09.05 | Siberut Barat | 3 | Desa |
|
13.09.06 | Siberut Barat Daya | 3 | Desa |
|
Desa | Siberut Selatan | 5 | Desa |
|
13.09.04 | Siberut Utara | 6 | Desa | |
13.09.07 | Siberut Tengah | 3 | Desa |
|
13.09.09 | Sikakap | 3 | Desa |
|
13.09.02 | Sipora Selatan | 7 | Desa |
|
13.09.08 | Sipora Utara | 6 | Desa |
|
TOTAL | 43 |
Urang Mentawai jo urang Sakuddei adolah panduduak utamo di kabupaten iko, sacaro umum masyarakaik iko indak mampunyoi gambaran nan jaleh tantang asa usuanyo, walaupun ado di antarnyo tau babarapo mitologi nan kadang agak kabua sarato sulik dipicayo. Masyarakaik satampk manyabuik nagarinyo jo namo Bumi Sikerei.
Mayoritas pauni pulau-pulau di kabupaten ko barasa dari Pulau Siberut. Urang Mentawai sacaro fisik bakabudayaan saisuak yaitu budaya zaman neolitikum, nan pado masyarakaik ko indak tau jo teknologi pangolahan logam, baitu pulo bacocok tanam sarato seni tanun. Salapeh kamardekaan, masyarakaik di kabupaten iko alah baadaptasi jo etnis-etnis lainnyo nan ado di Indonesia, utamonyo sasudah kabupaten iko manjadi salah satu daerah tujuan transmigrasi.
Manuruik data Badan Pusat Statistik, tacataik baso mayoritas panduduak maanuik agamo Kristen, dan manjadi satu-satunyo kabupaten di Sumatera Barat nan mayoritas Kristen dan di lua provinsi Sumatera Utara. Nan maanuik agamo Kristen bajumlah 77,59% (Protestan 48,50%; Katolik 29,09%). Kudian nan maanuik agamo Islam sabanyak 22,22% dan lainnyo tamasuak kapicayoan 0,19%.[23]
- Kapa lauik dari Padang ka Mentawai maabihkan wakatu 10-12 jam.
- Kapa capek jo wakatu tampuah 3-4 jam. Barangkek dari Palabuahan Muaro nan ado di kawasan Kota Tuo Padang.
- Kapa tabang komersil nan malayani panabangan Kota Padang ke Palabuahan udaro Rokot.
Daerah ko mampunyoi potensi alam nan banyak, salain dalam bidang parak, sawah-ladang, jo parikanan. Daerah iko bapotensi untuak manjadi daerah tujuan raun. Hasia lauik marupokan potensi nan taruik dikambangkan di kabupaten iko utamonyo ikan karapu nan laku untuak diekspor.
Untuak mandukuang pambangunan di daerah iko, pamarintah pusek jo daerah marencanakan ka mambangun PLTU Tuapejat bakapasitas 6 MW.[24]
Flora & Fauna
Satwa Endemik
- Baruak Mentawai, Macaca pagensis
- Cigak ikua babi, Simias Concolor
- Tupai Kasturi Mentawai, Tupaia chrysogaster
- Siamang Mentawai, Hylobates klossii
- Lutung Mentawai, Presbytis potenziani
- Mancik Duri Pagai, Maxomys pagensis
- Mancik Gadang Sipora, Leopoldamys siporanus
- Nyingnying Mentawai, Chiropodomys karlkoopmani
- Mancik Mentawai, Rattus lugens
- Tupai tabang Mentawai, Iomys sipora
- Tupai tabang Sipora, Hylopetes sipora
- Tupai tabang SIberut, Petinomys lugens
- Saudara Tupai, Sundasciurus fraterculus
- Bajing Hitam, Callosciurus melanogaster
- Tupai Baikua-balang Tigo, Lariscus obscurus
- Ruso Sambar, Cervus unicolor oceanus
- Buruang Hantu Mentawai, Otus mentawai
- Ula Mentawai, Calamaria klossii
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.