![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d8/Vista_desde_el_Monumento_Natural_La_Portada%252C_Antofagasta.jpg/640px-Vista_desde_el_Monumento_Natural_La_Portada%252C_Antofagasta.jpg&w=640&q=50)
Антофагаста (регион)
From Wikipedia, the free encyclopedia
Регионот Антофагаста (шпански: Región de Antofagasta) е еден од шеснаесетте административни единици од прв ред во Чиле. Тој е втор најголем по површина регион во Чиле, и во негов состав влегуваат три провинции: Антофагаста, Ел Лоа и Токопила. На север се граничи со Тарапака, на југ со Атакама и на исток со Боливија и Аргентина. Главен град на регионот е пристанишниот град Антофагаста; друг важен град во регионот е Калама. Најважна економска дејност во регионот е ископувањето на бакар.
Регион Антофагаста Región de Antofagasta | |||
---|---|---|---|
Регион во Чиле | |||
![]() Национален Парк Моро Морено | |||
| |||
![]() Местоположба на Антофагаста во Чиле | |||
Држава | ![]() | ||
Главен град | Антофагаста | ||
Покраини | Антофагаста, Ел Лоа и Токопила | ||
Управа | |||
• Интендант | Марцо Антонио Диаз | ||
Површина[1] | |||
• Вкупна | 126.049,1 км2 (486,678 ми2) | ||
Ранг | 2 | ||
Најг. вис. | &100000000000067230000006.723 м | ||
Најм. вис. | &100000000000000000000000 м | ||
Население (попис од 2017)[1] | |||
• Вкупно | 599.335 | ||
• Ранг | 9 | ||
• Густина | 0,48/км2 (1,2/ми2) | ||
ISO 3166 | CL-AN | ||
HDI (2019) | 0.875[2] very high | ||
Мреж. место | Official website (на шпански) |
Климата во Антофагаста е екстремно сушна, но е малку поблага во близина на брегот. Низ целиот регион речиси нема вегетација, освен во близина на реката Лоа и во оазите како Сан Педро де Атакама. Поголемиот дел од внатрешноста на регионот е покриен со солени низини, текови на тефра и на лава, а покрај брегот има шилести карпи.
Овој регион бил ретко населен од домородните народи Чанго и Атакамењос сè до масовната чилеанска имиграција поврзан со бумот на шалитра во доцниот 19 век. Поголемиот дел од регионот бил организиран како единствена крајбрежна територија на Боливија додека Чиле не го презел во 1879 година на почетокот на Војната за Тихиот Океан.