музеј во Виена From Wikipedia, the free encyclopedia
Архитектурцентрум Виенa ( АЗ В ) е музеј во Виена, во Музејската четврт. Замислен е како центар за изложби, настани и истражувања на архитектурата и сродни области, особено архитектурата и урбанистички дизајн од XX и XXI век. Тој е национален музеј за архитектура на Австрија.[1]
Во постојаната изложба „Австриската архитектура во XX и XXI век“ е прикажана историјата на австриската архитектура од 1850 година до денес. Променливите изложби ја претставуваат модерна архитектура, со акцент за новите перспективи во архитектонските случувања. Преку низа настани и активности, архитектурата е претставена како „културна дисциплина, секојдневен феномен и комплексен процес“. Овие настани вклучуваат и професионални презентации и семинари, стручни работилници, детски работилници, публикации и годишниот конгрес за архитектура во Виена.
Во рамките на музејот постои и центар за документација и истражување во кој е и специјализирана библиотека со 27.000 специјализирани публикации, како и база на податоци за архитектура, лексика, архива и колекција во врска со архитектурата на XX и XXI век[2].
Центарот е основан во 1993 година како непрофитна организација. Тоа произлезе од соработката помеѓу националната влада на Австрија и градот Виена, а заеднички ја водат Федералното Министерство за образование, уметност и култура и канцелариите за култура и урбан развој во Виена.
По осум години на привремени локации Архитектурцентрум Виенa, АЗ В се пресели на сегашната локација во 2001 година. Има на располагање околу 1.000 m изложбен и деловен простор, со организирање на над 150 изложби, 300 настани и 600 архитектонски екскурзии во првите 15 години[3].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.