Гробот на Абрахам Линколн

Гробот на Абрахам Линколн или само Гробот на Линколн (англиски: Lincoln's Tomb) е вечниот дом на шестнаесетиот претседател на САД, Абрахам Линколн, но и на неговата жена Мери Тод Линколн и на три од четирите негови деца.^[2]. Гробот се наоѓа на гробиштата Оук Риџ во Спрингфилд, Илиноис и е под закрила на државата Илиноис под името „Државно историско место Гроб на Линколн“.^[3]

Гробот на Абрахам Линколн на гробиштата Оук Риџ, Илиноис и меморијалниот центар биле основани на 19 декември 1960.^[1]

Историја

На 15 април 1865, денот кога умрел Абрахам Линколн, група граѓани од Спрингфилд го создадел Националното здружение Споменик Линколн и започнале акција за собирање средства за создавање меморијален центар или гроб на Претседателот.^[4]

По доаѓањето на телото на Претседателот на 3 мај, истото било положено во Стариот државен капитол на Илиниос само една вечер^[3]. По закопот следниот ден, ковчегот на Линколн бил положен во гробиштата Оук Риџ, место кое го избрала жената на Линколн.^[4] Во декември останките на Линколн биле преместени, привремено, на друга локација, која денес е обележана со мал гранит и се наоѓа позади гробот на едно брдо.^[5] Во 1871 година, три години по изградбата на гробницата, телото на Линколн и телата на неговите три сина биле положени во новиот, нецелосно изграден гроб.^[3]

Во 1874 година, веднаш по целосната изградба на меморијалниот центар кој бил дизајниран од Ларкин Голдсмит Мид, останките на Линколн биле положени во саркофаг во соба позната како „катакомби“.^[4]

Галерија

• 
  Дел од меморијалниот центар.
• 
  Бронзена статуа на Линколн.
• 
  Собата каде се наоѓа саркофагот на Линколн.
• 
  Надгробна плоча на Мери Тод Линколн.

Наводи

1. „Lincoln Tomb“. National Historic Landmark summary listing. National Park Service. Посетено на 2007-10-11.
2. Lincoln Tomb
3. „Lincoln Tomb“. Архивирано од изворникот на 2010-08-23. Посетено на 2010-11-06.
4. National Parks Service: Survey of Historic Sites and Buildings
5. FindAGrave

• Национален парк на САД Архивирано на 26 октомври 2004 г.

Надворешни врски

„Гробот на Абрахам Линколн“ на Ризницата ?

• Историско место Гроб на Линколн Архивирано на 30 октомври 2013 г.
• Национални историски знаменитости Архивирано на 26 декември 2007 г.

39°49′24″N 89°39′21″W