From Wikipedia, the free encyclopedia
Елеганцијата на ежот (француски: L'Élégance du hérisson) — роман од француската писателка Мириел Барбери, кој бил издаден во 2006 година од страна на издавачката куќа „Gallimard“. Книгата се стекнала со бројни награди, меѓу кои и „Награда на книжарниците“ во 2007 година.
Автор | Мириел Барбери |
---|---|
Изворен наслов | L'Élégance du hérisson |
Земја | Франција |
Јазик | француски |
Жанр | роман |
Издавач | Gallimard |
Издадена | август 2006 година |
Published in English | септември 2008 година |
Страници | 359 страници |
ISBN | 2-07-078093-7 |
OCLC | 71336412 |
Клас. КБ | PQ2662.A6523 E44 2006 |
Самоуката куќна помошничка Рене во една елитна париска зграда ужива во магијата на уметноста, филозофијата, музиката и јапонската култура. Во истата зграда живее и богатата дванаесетгодишната Палома заситена од животот, која неуморно чита манга-стрипови, наоѓа утеха во јапонските поети и го презира целото семејство. Јапонскиот стопанственик Озу се вселува во зградата и, како и Палома, ја насетува скриената префинетост на куќната помошничка. Низ едноставна нарација, овој роман ве води во светот на богаташката извештаченост, интелектуалните клишеа и надмените сопственици на кучиња со педигре, и ги возвишува тивките победи на ненаметливите меѓу нас.
Иако критичарите слабо биле заинтересирани за почетокот од делото, романот бил изненадување за 2006 година. Всушност тој бил преиздаван 30 пати и кон август 2006 година имал повеќе од еден милион продадени примероци, заземајќи го првото место по продажба на 30 последователни недели. Романот бил преведен на 34 јазици. Во 2009 книгата на Мириел Барбери останала уште рангирана меѓу педесеттите најдобро продавани романи.
Делото немало голема реклама и единствениот начин на кој го постигнал овој спектакуларен успех се засновало на препораки меѓу читателите.
Романот послужил како основа за филмска адаптација во 2008 година, кога бил екранизиран од страна на Мона Ашаше. Филмот излегол на 3 јули 2009 година во француските кина и имал 750.000 гледања.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.