Колорадо (река)
голема река во западниот дел на САД и Мексико From Wikipedia, the free encyclopedia
Колорадо — река чија вода истекува од сувата југоисточна област на САД, го врежува најпознатиот кањон на светот. Поради стрмното издигање на висорамнината Колорадо, реката врежала кањони длабоки над 1600 м, чиј највозбудлив дел е Големиот Кањон во северна Аризона, долг 350 км.
| Колорадо Colorado River | |
 Поглед кон реката | |
| Земји | САД, Мексико |
|---|---|
| Подрачје | Колорадо, Јута, Аризона, Невада, Калифонија, Долна Калифорнија, Сонора |
| Извор | преминот Ла Пудре |
| - место | Каменести Планини, Колорадо, САД |
| - височина | 3.104 м |
| - координати | 40°28′20″N 105°49′34″W [1] |
| Утока | Калифорниски Залив |
| - местоположба | Делта на реката Колорадо, Долна Калифорнија–Сонора, Мексико |
| - височина | 0 м |
| - координати | 31°54′00″N 114°57′03″W |
| Должина | 2.334 км |
| Слив | 637.137 км2 |
| Истек | |
| - просечен | 637 м3/с [2] |
| - максимален | 10.900 м3/с [3] |
| - минимален | 12 м3/с [4] |
 Map of the Colorado River basin
| |
| На Ризницата: Колорадо Colorado River | |
Реката Колорадо се создава од стопениот снег во Карпестите Планини на северот на државата Колорадо, на западните падини на Континенталната Вододелница. Таа тече југозападно од Јута, низ висорамнината Колорадо, каде што областа Кањонленд во неа се влева реката Грин, напојуваќи ја со водите од Вајоминг, најсеверната точка на нејзиниот слив. Низводно во северна Аризона, главниот дел од разгранетиот кањонски систем, Големиот Кањон, достигнува ширина од 29 км и ги пробива слоевите седиментни карпи, чија геолошка саторст е 2 милијарди години. Под кањонот, на излезот на висорамнината, речниот тек продолжува на југ, создавајќи природна граница меѓу државите Калифорнија и Аризона. По должината на својот долен тек Колорадо е бавна, кривулеста река, исполнета со ситен талог и наклонета на пливање. Последните 12 км тече низ Мексико, каде што стеснува во речна делта. Колорадо е река со ајмногу зданија ви светот. Големи градежни работи почнале во северниот дел од сливот уште во дваесеттите години од 20 век со изградба на големи тунели под Континенталната Вододелница, со цел одредено количество вода да се насочи источно, кон Големата Низина. Подоцна вниманието било насочено кон долниот тек. Браната Хувер, висока 221 м, го создала езерото Мид во 1935 г. и овозможила водата да се користи за производство на електрична енергија и за наводнување. Течејќи низводно, големо количество вода е пренасочено во градовите: Лас Вегас, Феникс, Таксон, Сан Диего и Лос Анџелес. Браната Империјал го пренасочува најголемиот дел од водата, што тече по должината на каналот Ол-Американ, во насока а калифорниската долина Империјал. Иако протокот кај утоката на Колорадо денес е многу намален, тој со својата сила во минатото многу го променил брегот. Калифорнискиот Залив некогаш се простирал многу по на север, се дедека Колорадо во предисторискиот период не го сменил својот тек. Седиментот наталожен на бреговите на реката го заградил заливот, создавајќи го денешниот изглед на брегот и големиот залив Салтон, дел од некогашното морско корито, кое со околу 480 км влегло во копното. Во 1905 г. пробиениот канал за наводнување овозможил водите на Колорадо да го поплават заливот, создавајчи го 112 км долгото езеро Салтон.[5]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
