Лемурија (континент)
From Wikipedia, the free encyclopedia
Лемурија (МФА: /lɨˈmjʊəriə/[1]) е име за хипотетички изгубен свет со можни локации во Индискиот Океан и Тихиот Океан. Потеклото на идејата е од 19 век и лежи во обидот да се објасни неповрзаноста во биогеографијата. Концептот за Лемурија се смета за застарен заради модерното сфаќање на тектонското движење на Земјината кора. Иако потопените континенти постојат – видете Зеландија во Тихиот Океан — не постојат познати геолошки формации под Индискиот или Тихиот Океан кои би одговарале на хипотетичката Лемурија.
Иако Лемурија е надвор од официјалната наука, на неа се повикуваат некои писатели на окултни теми, како и некои тамилски писатели од Индија. Објаснувањата за Лемурија се разликуваат, но сите се засноваат на општото верување дека овој континент постоел во древното минато и потонал под океанот како резултат на геолошки, односно катаклизмички промени.