Масакр кај Вејце
From Wikipedia, the free encyclopedia
Масакр кај Вејце — најкрвав и најбрутален масакр во поновата историја на Македонија. Масакрот се случил на 28 април 2001 година во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Масакрот кај Вејце | |||||||
---|---|---|---|---|---|---|---|
Дел од Воен конфликт во Македонија, 2001 | |||||||
|
|||||||
Завојувани страни | |||||||
Македонија
| ОНА |
||||||
Команданти и водачи | |||||||
Борис Трајковски Љубчо Георгиевски Доста Димовска Панде Петровски Ристо Галевски Роберт Петковски † Марјан Божиновски † | Али Ахмети Даут Харадинај Г’зим Острени Талат Џафери Хазби Лика |
||||||
Сила | |||||||
Патрола од 16 припадници на безбедносните сили | Измеѓу 30 до 80 терористи и муџахедини[3] | ||||||
Жртви и загуби | |||||||
8 масакрирани војници и полицајци | Неколку убиени терористи и муџахедини |
Иако нападнати од заседа и во безизлезна правлива кривина, на планинскиот пат помеѓу селата Селце и Вејце - тетовско, војниците и полицајците давале получасовен отпор, бранејќи го суверенитетот и територијалниот интегритет на Македонија. Вејце од 2001 останува во колективната меморија на Македонците како место на беспримерно злосторство, симбол на можеби најстрашното од мноштвото предавства со кои е исполнета македонската историја, најголем пораз на државните институции од група терористи и бандити, зашто до денес не се оформи, а камоли да се заокружи некаква судска разврска и некој да биде земен на одговорност.