From Wikipedia, the free encyclopedia
Мајкл Ентони Шулте (роден на 30 април 1990 година) — германски пејач и текстописец. Ја започнал својата пејачка кариера во 2008 година, објавувајќи преработки на познати песни на својот Јутјуб канал, а подоцна го освоил третото место во првата сезона на Гласот на Германија во 2012 година. Неговиот деби студиски албум "Широко буден (Wide Awake)" бил објавен подоцна истата година. Тој ја претставувал Германија на натпреварот Евровизија 2018 во Лисабон, Португалија, со песната "Ме остави да одам сам (You Let Me Walk Alone)". Тој завршил на четвртото место со 340 бода.
Шулте е роден на 30 април 1990 година во Екернферде и пораснал најпрво во Линдау, дел од Борен во Шлај, а подоцна во Долеруп, мала општина во близина на Фленсбург. Тој учел во данското училиште Даборг-Сколен и дипломирал во 2009 година. Потоа ја завршил својата државна служба.[1][2] Неговиот татко починал кога тој имал само четиринаесет години.
Шулте ја започнал својата кариера во 2008 година со преработки на познати песни на својот Јутјубканал. Преку својот канал, тој добил можност да потпише со менаџерска компанија Weinstein Media основана од Енди Вајнштајн во Берлин.
Во 2011, Шулте бил натпреварувач на првата сезона од Гласот на Германија.[3] Тој учествувал со песната "Постави оган на дождот" од Адел и се приклучил на тимот на Реја Гарви. Шулте напредувал низ натпреварот, на крајот постигнувајќи го третиот пласман позади победничката Ајви Кваино и второпласираниот Ким Сандерс. По натпреварот, тој потпишал договор со германската независна етикета Edel AG. Неговиот деби студиски албум Широко буден бил објавен во 2012 година.[4]
На 29 декември 2017 година, Шулте бил еден од шесте изведувачи што се натпреварувале во Unser Lied für Lissabon, германската национална селекција за песна на Евровизија 2018, со песната "Ме остави да одам сам".[3][5][6][7] Песната подоцна била објавена на 20 февруари 2018 година. Шулте го освоил финалето, што се одржало на 22 февруари, со што станал претставник на Германија на натпреварот Евровизија во 2018 година. Во Лисабон, Шулте освоил 340 бода, завршувајќи на четвртото место.
Студио албуми
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.