![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7d/Blick_von_Krajnik-Dolny.jpg/640px-Blick_von_Krajnik-Dolny.jpg&w=640&q=50)
Национален парк Долна долина на Одра
From Wikipedia, the free encyclopedia
Меѓународниот парк Долна долина на Одра е природен резерват кој се протега во Германија и Полска. Се протега на западните брегови на реката Одра во рамките на округот Укермарк во германската сојузна покраина Бранденбург, како и стрмните источни брегови во Грифинскиот и Полицкиот округ во Западнопоморското Војводство понасевер.
Национален парк Долна долина на Одра | |
---|---|
Nationalpark Unteres Odertal | |
МСЗП — Категорија II (национален парк) | |
Место | Бранденбург, ![]() |
Најблизок град | Швет |
Површина | Вкупно 165 км2 Германија 105 км2 Полска 60 км2 |
Воспоставен(а) | 1997 |
Управно тело | Nationalparkverwaltung Unteres Odertal Park 2 16303 Швет |
Германскиот дел од областа е Националниот парк Долна долина на Одра (Nationalpark Unteres Odertal). Постои информативен центар во Кривен, градска единица во Швет. Полскиот дел од областа е „Пејзажен парк Долна долина на Одра“ (Park Krajobrazowy Dolina Dolnej Odry).
Областа зафаќа 165 км2 (Германија 105 км2, Полска 60 км2); заедно со блиските природни резервати во Германија и Полска, вкупната област е 1.172 км2. Со одлука на германско-полскиот Совет за животна средина во 1992 министрите за животна средина на Германија, Полска и Бранденбург, како и војводата на Шчеќин го создале Меѓународниот парк Долна долина на Одра.
![Thumb image](http://upload.wikimedia.org/wikipedia/commons/thumb/7/7d/Blick_von_Krajnik-Dolny.jpg/640px-Blick_von_Krajnik-Dolny.jpg)
На рамниот западен брег на Одра постојат неколку насипи, кои имаат за цел контролирање на нивото на водата и заштитуваат од поплави кои обично се можни во текот на зимата и пролетта. Водата тече слободно низ широките подрачја за поплавување до април, кога повторно се затвораат браните, а преостанатата вода се исушува.