Опслужувач
From Wikipedia, the free encyclopedia
Опслужувач или сервер (од англ. server) — систем (програмска опрема и соодветна машинска опрема) кој одговара на барањата низ сметачката мрежа за да обезбеди, или да помогне да се обезбеди, мрежна услуга. Опслужувачите може да работат на специјало наменет сметач, кој честопати се нарекува "опслужувач", но многу мрежни сметачи се способни за поставување на опслужувачи. Во многу случаи, сметачот може да обезбеди неколку услуги и има неколку опслужувачи што работат.
Опслужувачите работат во рамките на клиент-опслужувач архитектура, опслужувачите се сметачки програми кои работат да им служат на барањата на другите програми, на клиенти. Така, опслужувачот извршува некоја задача во име на клиентот. Клиентите обично се поврзуваат на опслужувач преку мрежата, но може и да се користи истиот сметач. Во контекст на семрежен протокол (IP) вмрежување, опслужувачот е програма со која функционира како приклучок.
Опслужувачите често ги обезбедуваат основните услуги преку мрежа, или на приватните корисници во голема организација или на јавните корисници преку семрежјето. Типични сметачки опслужувачи се податочен опслужувач, податотечен опслужувач, поштенски опслужувач, опслужувач за печатење, мрежен опслужувач, приложен опслужувач, или некој друг вид на опслужувач.
Бројни системи го користат овај клиент / опслужувач мрежен модел вклучувајќи мрежни места и е-поштенски услуги. Алтернативен модел, peer-to-peer мрежа им овозможува на сите сметачи да дејствуваат или како опслужувач или како клиент колку што е потребно.