![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7a/Senyera_%2528Pl._Octavi%25C3%25A0%252C_S._Cugat_del_Vall%25C3%25A8s%2529_01.jpg/640px-Senyera_%2528Pl._Octavi%25C3%25A0%252C_S._Cugat_del_Vall%25C3%25A8s%2529_01.jpg&w=640&q=50)
Сењера
From Wikipedia, the free encyclopedia
Сењера — вексилолошки и хералдички симбол. Историски, симболот потекнува од Арагонската круна.
![Thumb image](http://upload.wikimedia.org/wikipedia/commons/thumb/7/7a/Senyera_%28Pl._Octavi%C3%A0%2C_S._Cugat_del_Vall%C3%A8s%29_01.jpg/640px-Senyera_%28Pl._Octavi%C3%A0%2C_S._Cugat_del_Vall%C3%A8s%29_01.jpg)
Шемата на дизајнот на сењерата е искористена на актуелните знамиња на четири шпански автономни заедници: Арагон, Балеарските Острови, заедницата Валенсија и Каталонија, и е знаме на градот Алгеро во Сардинија, Италија. Шемата е употребена и на државните грбови на Андора и Шпанија, а следствено и на знамињата на овие држави, имајќи предвид дека грбовите на обете држави се претставени на нивните знамиња. Постојат повеќе локални примери во веќе споменатите територии, како и во Франција, каде се појавува сењерата. Покрај сево, сењерата понекогаш се употребува и како ознака за каталонскиот јазик.
Етимолошки, за името сењера генерално се прифаќа дека значи знаме, а поопширно може да се толкува и како ознака или некој сличен израз. Изразот сењера се јавува и како синоним за кралско знаме (на каталонски: Senyal Reial или Senyera; на стар шпански: Señal Real или Señera), иако овој израз вообичаено се однесува на арагонското и каталонското знаме. Исто така, во арагонскиот јазик сењерата обично се нарекува O Sinyal d'Aragón, што во превод значи „знакот на Арагон“.