![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Belasica-Akademija_Pandev_19.08.2018_%25281%2529.jpg/640px-Belasica-Akademija_Pandev_19.08.2018_%25281%2529.jpg&w=640&q=50)
Стадион „Благој Истатов“
From Wikipedia, the free encyclopedia
Стадионот „Благој Истатов“ — фудбалски стадион во Струмица. Сместен е во Градскиот парк, во околината на повеќе спортски објекти. Стадионот е под концесија на ФК Беласица. Тој е изграден во 1950 година. Со реконструкцијата од 2017 година има сместивост за повеќе од 7 и пол илјади гледачи. До 2019 година стадионот го носи името „Младост“, а познат е и како Градски стадион Струмица.
![Thumb image](http://upload.wikimedia.org/wikipedia/commons/thumb/a/a2/Belasica-Akademija_Pandev_19.08.2018_%281%29.jpg/640px-Belasica-Akademija_Pandev_19.08.2018_%281%29.jpg)
„Благој Истатов“ денес е модерен стадион и според стандардите на УЕФА исполнува услови за квалитетни натпревари од висок ранг, единствен таков во државата заедно со Националната арена.[1] Покрај матичната Беласица, на стадионот своите натпревари ги игра и ФК Академија Пандев. Националната репрезентација на Македонија во неколку наврати има одиграно меѓународни натпревари овде.