Фатих џамија

Фатих џамија (турски Fatih Camii) — џамија која се наоѓа во Истанбул, Турција. Таа била изградена од страна на Мехмед II во период од 1463 до 1470 година на местото на поранешната црква Свети Апостоли. Во моментот џамијата вклучува две минариња, библиотека, болница, караван сарај, маркет, амам. Џамијата била разрушена од земјотрес на неколкупати: во 1509 година и 1766 година. Целосно била направена од страна на Мустафа II.

Оваа статија се однесува на џамија во Истанбул. За истоимената џамија во Македонија, погл. Џамија „Султан Мехмед Фатих II“ (Делчево).

Фатих џамија
Основни податоци
Место	Истанбул, Турција
Координати	41°01′11″N 28°56′59″E
Припадност	ислам
Епархија	Фатих
Осветен	1463
Архитектонски опис
Архитект(и)	Атик Синан
Архитектонски тип	џамија
Завршен	1771
Особености
Пречник на куполата (надв.)	26 метри
Минариња	2
Материјали	гранит, мермер

Внатрешниот изглед на џамијата

Историја

Џамијата била изградена по заповед на османлискиот султан Мехмед II во периодот од 1463 до 1470 година^[1], на местото каде некогаш се наоѓала византиската црква Свети Апостоли. Црквата била разрушена по зазимањето на градот, и дел од нејзините рушевини биле користени за изградба на џамијата. Главен архитект на новиот муслимански храм бил Атик Синан, за кој освен неговото име, друго не е познато.

Првиот пан на муслиманскиот комплекс претставувал комплекс од згради околу храмот. Комплексот вклучувал осум медреси, библиотека, болница, каравансарај, хамам, основно училиште и имарет. Подоцна, кон комплексот биле изградени и неколку турбиња. Имал зафатнина од 325 квадратни метри.

Првата џамија била разрушена во 1509 година по еден силен земјотрес. По земјотресот таа била реконструирана, но во текот на својата историја, односно во 1557 и 1754 година, џамијата повторно била разрушувана од земјотрес. На 22 мај 1766 година се случил уште еден голем земјотрес во градот, па главната купола на муслиманскиот храм се срушила. Така, по земјотресот започнала целосна реконструкција на џамијата, и денешниот изглед на џамијата датира од 1771 година, од времето на султанот Мустафа III. За главен архитект бил избран Мимар Мехмед Тахир.

Поврзано

• Џамија „Султан Мехмед Фатих II“ — џамијата во Делчево, наречена по истиот султан
• Список на џамии
• Османлиска архитектура

Наводи

1. Encyclopedia of the Ottoman Empire, Gábor Ágoston,Bruce Alan Masters, page 216

• Freely, John (2000). Blue Guide Istanbul. W. W. Norton & Company. ISBN 0393320146.
• Babinger, Franz (1992). Mehmed the Conqueror and His Time. Princeton University Press. ISBN 0691010781.
• Cruikshank, Dan (1996). Sir Banister Fletcher's A History of Architecture. Architectural Press. ISBN 0750622679.

Надворешни врски

„Фатих џамија“ на Ризницата ?

• Фатих џамија Архивирано на 17 јуни 2009 г.
• Слики од Фатих џамија Архивирано на 3 јануари 2022 г.