Јазик (орган)

Јазикот (латински: lingva) е подвижен мускулен орган, на кој разликуваме врв, тело и корен, преку кој е прицврстен за дното на усната празнина. Обложен е со слузокожа, која на горната страна содржи вкусни папили.

Вкусот, допирот и болката кај јазикот се осетуваат со помош на папилите (соодветни рецептори):

• Кончести папили (papilae filiformes), за допир и болка, сместени на врвот од јазикот
• Габовидни папили (papilae fungiformes), вкусни папили сместени на телото на јазикот
• Жлебести папили (papilae valatae), вкусни папили сместени на коренот од јазикот
• Листовидни папили (papilae foliate), вкусни папили сместени на рабовите на јазикот.

Јазикот, освен што учествува во ингестијата и мешањето на храната, е сетило за вкус и орган за артикулација на говорот. Јазикот е способен да разликува четири вкусови: солено, слатко, кисело и горчливо.

Јазикот како мотив во уметноста и во популарната култура

• „Јазик“ - песна во проза на полскиот поет Збигњев Херберт.^[1]
• „Јазик“ (англиски: Tongue) - песна на американската рок-група „Р. Е. М.“ (R.E.M.) од 1994 година.^[2]