Јасна Гора (манастир)

Јасна Гора (полски: Jasna Góra, изг. јасна гура) е манастирска црква која се наоѓа во градот Ченстохова, Полска. Христијанскиот храм е едно од најпознатите светилишта посветени на Пресвета Богородица и место кое често е посетувано од страна на поклониците од целиот христијански свет. Иконата „Црна Богородица Ченстоховска“, која според митот има чудотворна моќ, е едно од најскапоцените богатства на комплексот.^[1]

Јасна Гора Jasna Góra
Статус	активна
Локација
Локација	Ченстохова, Полска

Иконата „Црна Богородица Ченстоховска“

Манастирот е основан во 1382 година, од страна на редот Павлини кои дошле од Унгарија по покана на ополскиот војвода Владислав. Манастирот е една од најголемите туристички атракции во земјата. На иконата, во која Пресвета Богородица е насликата заедно со малиот Исус претставувала пример за изработување на многу аналогни икони во православниот свет.^[2] Чудотворенијата на иконата се потпираат пред сè на опсадата на градот во времето на шведската инвазија на земјата, во кој Полјаците на крај излегле како победници, принудувајќи ја Шведска да се повлече.