Јустиција

Јустиција (латински: Justitia) е римска божица на правдата. Нејзиниот лик често се користи како алегорија или олицетворение на моралните вредности во правниот систем.^[1][2]

Споменик на Јустиција пред Врховниот суд во Хонгконг

Таа најчесто е претставена со терезија во десната рака, каде на двата кантари ги мери добрите и лошите постапки на обвинетиот. На која страна ќе натежнат доказите, таква ќе биде пресудата. Во левата рака носи меч со две острици, што ги симболизираат разумот и правдата, т.е. фактот што тие две вистини не одат секогаш заедно. Очите ѝ се преврзани, што означува дека правдата е еднаква за сите и непристрасна. Од 16 век па наваму, вајарите сѐ повеќе го изоставуваат тој детаљ од визуелниот приказ.

Веќе е вообичаено пред судските згради или во судниците да стои статуа на божицата Јустиција.