Ќучуккајнарџиски договор

Ќучуккајнарџискиот договор е мировен договор од 21 јули 1774 година кој бил склучен меѓу Русија и Отоманското Царство по Руско-турската војна од 1768-1774 година.

Договор од Ќучук Кајнарџа

1739
Потпишан	21 јули 1774
Место	Кајнарџа, денешна Бугарија
Преговарачи	Николас Репнин Ахмед Ресми Ефенди Ибрахим Муниб Ефенди
Потписници	Петар Румјанцев Мехмед Паша
Странки	Руска Империја Османлиско Царство
Јазици	руски, отомански, италијански

Овој договор бил потпишан по крајот на петтата по ред Руско-турски војни и поразот на Османлиите.^[1], која била иницирана од руската царица Катерина Велика против султанот Мустафа III. Договорот бил потпишан во селото Ќучук Кајнарџа, денес Кајнарџа во североисточна Бугарија, во Добруџа, во близина на Дунав и на југоисток од Силистра.

Според договорот, Керч и неколку други црноморски пристаништа од Кримскиот полуостров биле отстапени на Русија остатокот од Кримското ханство било прогласено за независно. Дозволено било на руските трговски бродови да пловат во турските води. Молдавија и Влашка биле вратени под властта на султанот, но Русија стекнала право на мешање во Високата порта (судот на султанот) во име на овие две кнежевства. Покрај тоа, Русија добила одредени права во име на грчките православни поданици на султанот.

Во посебен договор од 1775 година Османлиите ја отстапиле Буковина на Австрија.