Ортаќој-џамија

Ортаќој-џамија (турски: Büyük Mecidiye Camii) е џамија која се наоѓа во Истанбул, Турција. Во превод оваа џамија се нарекува и Големата џамија на Султан Абдул Меџит I. Се наоѓа во реонот Ортаќој во близина на Босфорот. Џамијата била изградена во XVIII век.

Ортаќој-џамија Büyük Mecidiye Camii
Џамијата Ортаќој
Религија
Припадност	ислам
Округ	Ортаќој
Година на осветување	1854
Локација
Локација	Истанбул, Турција
Архитектура
Тип	џамија
Завршена во	1856
Минаре(иња)	1

Историја

На местото каде денес се наоѓа џамијата, претходно постоела мала џамија (масџид). Денешната џамија била изградена во 1720 година, и таа била уништена за време на Востанието на Патрона Халил во 1731 година^[1]. Сегашната џамија, која била подигната на нејзино место, била нарачана од османлискиот султан Абдул Меџид I и била изградена помеѓу 1854 и 1856 година, на урнатините на палатата Џантемир. Нејзините архитекти биле ерменскиот татко и син Гарабет Балјан и Нигоѓајос Балјан (кои ги дизајнирале и блиската палата Долмабахче и џамијата Долмабахче), кои ги дизајнирале во нео-барокен стил^[2].

Единствената купола на џамијата првично била изградена со употреба на тули. Како и да е, на куполата се појавиле пукнатини со текот на времето и била готова да се сруши, така што новата купола била реконструирана со употреба на бетон. Во 1894 година, се случил земјотрес кој ја оштетил џамијата, а исто така претрпела помал пожар во 1984 година. Така, во своето време, структурата претрпела голем број работи за поправка и реставрација.