Џовани де ло Калво

Џовани де ло Калво — џеновски пиратски капетан кој влегол во служба под царот Михаил VIII и станал владетел на Анафи и Родос и мега дукс на византиската морнарица.

Џовани бил родум од малиот остров Анафи,^[1] но потекнувал, како и останатите платеници на Михаил VIII, од Џенова.^[1][2][3] Негови омилени ловишта биле морињата околу Евбоја,^[1] иако е познато дека своие дејства ги спроведувал сè до бреговите на Албанија како и областа околу Валона.^[4]

Михаил VIII спровел голем напор за освојуање на Егејските острови кои биле под власта на латините, заедно со мега дуксот Алексиј Дука Филантропен и уште еден италијнски одметник, Ликарио. Џовани помогнал во освојувањето на својот роден остров, Анафи, од семејството Фоколо.^[5] Михаил VIII го наградил така што го прогласил за осподар на Анафи, но и на Родос во 1278 година, и подоцна бил прогласен како неговиот претходник Ликарио, мега дукс.^[2][6][7]