Џорџ Велшки

Џорџ Велшки (англиски: Prince George of Cambridge); полно име: Џорџ Александар Луис (George Alexander Louis);^{[б 1]} р. 22 јули 2013 ) — син на британскиот престолонаследник Вилијам, Принцот од Велс и неговата сопруга Катерина, принцезата од Велс, внук на кралот Чарлс III и неговата прва сопруга, покојната Дијана, принцеза од Велс. Принцот Џорџ е втор во редот на престолонаследници по, татко му Вилијам.

Принц Џорџ
Принцот Џорџ во 2019 г.
Роден(а)	22 јули 2013(2013-07-22) Болница „Сент Мери“, Лондон
Полно име Џорџ Александар Луис
Династија	Виндзор
Татко	Вилијам, Принц од Велс
Мајка	Катерина, Принцеза од Велс

Раѓање

Принцот е роден на 22 јули 2013 г,^[2] во болницата „Сент Мерис“ во Лондон, каде се родени татко му, Принцот Вилијам и чичко му Принцот Хари.

Раѓањето било означено со почесна стрелба во Бермуда,^[3] Лондон,^[4] Нов Зеланд^[5] и Канада;^[6]. Покрај ова, во чест на раѓањето е одзѕвонета камбанаријата на Вестминстерската опатија и разни други цркви,^[7][8] а во земјите на Комонвелтот се осветлени разни знаменитости во сина боја, за да се означи раѓањето на машко дете.^{[9][10][11][12][13][14]}

Како подарок за новородениот принц е искомпонирана пригодна приспивна песна насловена како Sleep On со музика на велшкиот композитор Пол Мелор и текст на ирскиот композитор Брендам Греам, а во снимена изведба на новозеландската пејачка Хејли Вестенра.^[15][16][17]

Со раѓањето на принцот Џорџ се јавува ситуација семејството да има три поколенија на престолонаследници. Вакво нешто последен пат се случило во 1894 и 1901 г, во последните седум години од владеењето на кралицата Викторија.^[18]

Принцот ѝ припаѓа на династијата Виндзор, а со тоа по таткова линија и член на династиајта Шлезвиг-Холштајн-Зондербург-Гликсбург.

Поврзано

• Шарлота Велшка — сестра на Џорџ
• Британско кралско семејство
• Наследен редослед на британскиот престол

Белешки

1. Како член на кралско семејство со титула, Џорџ не користи презиме. Доколку тоа се бара, тогаш презимето гласи Маунтбатен-Виндзор (Mountbatten-Windsor).^[1]