Абиогенеза

Абиогенеза или појава на животот (од грчки: a — негативна честичка, био-... и ...-генеза) — процес на претворање на неживата природа во жива. Во потесна смисла на зборот, абиогенезата подразбира и образување органски соединенија вообичаени во живата природа, надвор од телото без учество на ензими. Алтернатива на потеклото на животот на Земјата е панспермијата, која, сепак, не го решава главното прашање за потеклото на животот, туку само го турка во уште подалечното минато на вселената. Според современите модели, животот се појавил на Земјата пред околу 4,1—3,8 милијарди години, додека самата планета е создадена пред околу 4,5 милијарди години. Најстарите познати фосилни строматолити се стари 3,7 милијарди години.^[1]

Докамбриски строматолит. Според пишувањата од 2002 г., староста се проценува на 3,5 милијарди години, а настанала од работењето на цијанобактериите.