Адијабатски процес

Адијабатски процес е процес кај кој размената на топлината на системот со надворешната средина е занемарлива.

Адијабатските процеси реално не можат да се постигнат затоа што секогаш мора да постои макар и мала размена топлина со надворешната средина, за што говори и самиот назив на процесот, што би можел да се преведе како невозможен. За да бидат намалени топлинските загуби, овие процеси мораат да се одвиваат многу брзо.

Адијабата

Адијабатскиот процес на идеален гас може графички да се прикаже со адијабата. На дијаграмот pV адијабатата има сличен облик како и изотермата, но е пострмна.^[1]

При адијабатскиот процес на идеален гас важи реалцијата: ${\displaystyle pV^{k}=const}$, каде што k е Поасонов број, кој се дефинира како ${\displaystyle k=C_{p}/C_{v}}$, каде што ${\displaystyle C_{p}}$ е моларен топлински капацитет при константен притисок, а ${\displaystyle C_{v}}$ е моларен топлотен капацитет при константен волумен. Користејќи ја формулата за состојба на идеален гас може да се дојде и до други врски меѓу основните параметри што ја карактеризираат состојбата на идеалниот гас. Така, се изведуваат врските ${\displaystyle TV^{k-1}=\operatorname {const} }$ и ${\displaystyle {{T^{k}} \over {p^{k-1}}}=const}$

Поасонов број

Поасоновиот број има различни вредности за различни гасови, во зависност од тоа колку атоми се содржани во нивната молекула. За едноатомските гасови тој изнесува 5/3, а за двоатомските 7/5.