Адмитанса

Во електротехниката, адмитанса е мера колку лесно колото или уредот го овозможува текот на струјата. Таа е дефинирана како реципрочна вредност на импедансата. Единица за адмитанса во Меѓународниот систем на единици е сименс, чиј симбол е S. Оливер Хевисајд (Oliver Heaviside) го вовел терминот адмитанса во декември 1887 година.^[1]

Адмитансата е дефинирана како

${\displaystyle Y\equiv {\frac {1}{Z}}\,}$

каде

Y е адмитанса, мерена во сименси

Z е импеданса, изразена во омови

Покрај сименсот, како единица за адмитансата се користи и единицата мо и симболот ℧(превртена Ω).

Отпорноста е мера на спротивставувањто на колото или уредот струјата низ него да биде стабилна, додека импедансата во обѕир ги зема не само отпорноста, туку и динамичките ефекти (познати како реактанса). Соодветно, адмитансата не е само мера со која струјата може стабилно да тече, туку и динамичките ефекти на сусцептансата на материјалот која води до поларизација.

${\displaystyle Y=G+jB\,}$

каде

• ${\displaystyle Y}$ е адмитанса, мерена во сименси
• ${\displaystyle G}$ е кондуктанса, мерена во сименси
• ${\displaystyle B}$ е сусцептанса, мерена во сименси
• ${\displaystyle j^{2}=-1}$

Претворање на импедансата во адмитанса

Импедансата Z е составена од реален и имагинарен дел:

${\displaystyle Z=R+jX\,}$

каде

• R е отпор, мерен во омови
• X е индуктивна отпорност, мерена во омови

${\displaystyle Y=Z^{-1}={\frac {1}{R+jX}}=\left({\frac {1}{R^{2}+X^{2}}}\right)\left(R-jX\right)}$

Бидејќи импедансата е комплексна величина, следствено и адмитансата е комплексна величина. Таа, исто така може да се претстави преку својот модул и аргумент како:

${\displaystyle Y=G+jB\,\!}$

каде G (спроводливост) и B (сусцептанса) се дадени:

${\displaystyle {\begin{aligned}G&=\Re (Y)={\frac {R}{R^{2}+X^{2}}}\\B&=\Im (Y)=-{\frac {X}{R^{2}+X^{2}}}\end{aligned}}}$

Големината и фазата на адмитансата се дадени:

${\displaystyle {\begin{aligned}\left|Y\right|&={\sqrt {G^{2}+B^{2}}}={\frac {1}{\sqrt {R^{2}+X^{2}}}}\\\angle Y&=\arctan \left({\frac {B}{G}}\right)=\arctan \left(-{\frac {X}{R}}\right)\end{aligned}}}$

каде

• G е спроводливост , мерена во сименси
• B е сусцептанса, мерена во сименси

Поврзано

Видете адмитанса во Викиречник, слободниот речник.

• Меѓународен систем на мерни единици