Албиорикс (месечина)

Албиорикс е напредна неправилна месечина на Сатурн. Бил откриен од Холман и неговите колеги во 2000 година, и му била дадена привремена ознака S/2000 С 11.^[6][7][8]

Албиорикс

Слика од Албиорикс од набљудувањата на вселенското летало WISE во 2010
Откривање[1]
Откривач	Метју Џ. Холман и други.
Откриено	19 декември 2000
Ознаки
Наречена по	Марс Албиорикс
Други именувања	S/2000 S 11
Орбитални особености[2]
Епоха 2000 февруари. 26.00
Голема полуоска	16.182 гигаметри
Занесеност	0.4770
Орбитален период	783 дена (2.15 години)
Наклон	34.207°
Месечина на	Сатурн
Физички особености
Среден пречник	28,6 ± 5,4 km[3]
Вртежен период	13,33 ± 0,03 часа[4]
Албедо	0,062 ± 0,028[3]
Спектрален тип	светло црвена (варира) B−V=0.89, R−V=0.50[5]

Албиорикс е најголемиот сателит од галската група на неправилни сателити.

Име

Именуван е како Албиорикс во август 2003 година,^[9] „галски џин кој се сметал за крал на светот“.^[10] Ова име се наоѓа на натписот пронајден во близина на францускиот град Саблет на кој тој се изедначува со римскиот бог Марс.^[11]

Орбита

Албиорикс забележан од WISE во 2010 година

Албиорикс кружи околу Сатурн на растојание од околу 16 милиони км и пречникот му се проценува на 32 километри, со претпоставено албедо од 0,04. Вртежниот период, измерен со ИСС камерата на вселенското летало Касини, изнесува 13 часа и 19 минути.^[12]

Неправилни напредни групи на сателити на Сатурн: Галски (црвено) и Инуитски (сино)

Дијаграмот ја илустрира орбитата на Албиорикс во однос на другите напредни неправилни сателити на Сатурн. Орбиталната занесеност е претставена со жолти делови кои се протегаат од перицентарот до апоцентарот .

Со оглед на сличноста на орбиталните елементи и хомогеноста на физичките одлики со другите членови од галската група, било предложено дека овие сателити би можеле да имаат заедничко потекло од распаѓање на поголема месечина.^[8]

Физички одлики

Неодамна откриените различни бои укажуваат дека може да има голем кратер, по што произлегла друга претпоставка дека Еријапо и Тарвос би можеле да бидат делови од Албиорикс по негов судар (по кој речиси се распаднал) со друго тело.^[13]