Александар Чакаров

Александар Георгиев Чакаров, познат и како Сандре Чакаров ― македонски деец, учесник во македонското револуционерно движење, член и раководител на Македонската револуционерна организација.

Алекдандар Георгиев Чакаров
Роден	1869 Струга, Битолски Вилает, Османлиска Империја
Починал	1910 Битола, Битолски Вилает, Османлиска Империја
Познат	раководител на ТМОРО

Животопис

Родната куќа на Чакров во Струга и мајка му Агнија Чакрова

Чакаров е роден во 1869 година во градот Струга, тогаш во Отоманското Царство. Бил син на локалниот првенец Георги Чакаров и е брат на Славко Чакарова. Дипломирал во Солунската егзархиска машка гимназија во Солун, а потоа работел како учител во Струга, Охрид и Гуменџе. Во 1894 година Чакаров бил еден од првите посветени во Македонската револуционерна организација и тоа во западна Македонија каде се издигнал како Охридски регионален раководител. За време на Илинденското востание е член на горското раководство на Охридскиот револуционерен реон. Бил уредник на весникот Автономија. По востанието заминал за Албанија, Црна Гора и Бугарија. До Хуриетот работи како учител во Ново Селци, Софиско, по што се враќа во Македонија.

Во своите спомените Милан Матов истакнува дека:

„

Сандре беше многу познат и почитуван како од бугарското население и интелигенција, така и од турските кругови - власта ... Држењето на Сандре во училишните и црковни дела беше одлично. Тој не држеше никогаш партиска страна, како и обично ги имавме насекаде, а се мачеше да биде секогаш справедлив. Во раководните кругови на ВМОРО Сандра беше крајно почитуван, а неговите ставови беа уважувани [1][2]

“