Алексо Мирчев

Алексо Мирчев Деспотов (1835 - 1906) — македонски копаничар, претставник на Дебарската школа.

Алексо Мирчев
Роден(а)	1835 Осој, Дебарско
Починал(а)	1906 Крушево
Националност	Македонец
Занимање	копаничар
Познат(а) по	цркви
Значајни дела	во текстот
Деца	Нестор Алексиев Мафе Алексиев Лазар Алексиев
Родители	Мирче Деспотов (татко)
Роднини	Браќа: Коста Мирчев Гаврил Мирчев

Животопис

Роден е во 1835 г. во селото Осој, Дебарско. Татко му Мирче Деспотов (1802 - 1883) и синовите Нестор Алексиев (1873 - 1969) и Лазар Алексиев исто така биле истакнати копаничари и градители. Работел со татко му, а по неговата смрт во 1883 г. се преселил во Софија со син му Нестор. Основал своја тајфа со која работел во Бугарија, Дебарско, Серско и Романија. Често правел гипсени украси за капители — листови, цветови, птици, животни, ангели, кои потоа ги боел и позлатувал. Негови дела се капителите во „Св. Недела“ во Софија, изработени по Српско-бугарската војна, урнати во атентатот од 1925 г.^[1] Заедно со Нестор го изработил иконостасот на црквата „Св. Илија“ во софиско Књажево, кој не се одликува со висок уметнички квалитет, а Нестор сам го направил владичкиот престол.^[2][3] Учествувал со синот Нестор и Филиповци при резбањето на иконостасот на „Св. Троица“ во Лукавица кај Димитровград, Србија.^[2]

На крајот од животот се преселил да живее со синовите Нестор и Лазар и ќерката Дева во Крушево.^[4][5]

Родословие

Младен

Деспот Младенов

Тримче Деспотов

Дуко Деспотов

Георги Деспотов

Мирче Деспотов (1802 — 1883)

Блаже Тримчев

Мане Тримчев

Коста Мирчев

Гаврил Мирчев

Алексо Мирчев (1835 — 1906)

Елена Филипова

Ламбе Костов

Трајче Костов

Израил Гаврилов

Мирче Гаврилов

Нестор Алексиев (1878 — 1969)

Мафе Алексиев

Лазар Алексиев (1884 — 1963)

Миле Несторов

Борис Несторов

Михаил Несторов

Тодор Несторов

Александар Несторов

Михаил Лазаров

Александар Лазаров