Алмош

Алмош (унгарски:Álmos vezér) (роден околу 820 - починал околу 895) бил првиот голем везир на Унгарците. Тој се смета дека бил син на Еѓек и Емеше^[1] и се смета дека бил прататко на Арпадовците. Неговото име во превод значи „оној кој е од соништата.“^[2]

Алмош
Голем везир на Унгарците
Слика на седумте везири од Илустрираните хроники
На престол	по 854 - околу 895
Наследник	Арпад
Деца	Арпад
Династија	Арпадовци
Татко	Еѓек
Мајка	Емеше

Животопис

За точното место на раѓање на Алмош нема доверливи информации, а се смета дека се родил околу 820 година. Тој бил син на Еѓек или Егек (Egyek/Ügek), чиешто име на унгарски значи стар, и Емеша (Emese), чиешто пак име означува мајка.^[1] Се претпоставува дека овие имиња и не биле вистинските за овие личности, бидејќи се знае дека произлегле од подоцнежните забелешки.^[3] Според легендата, Алмош го добил своето име, така што во сон на неговата мајка, птицата Турул се појавила и ѝ рекла на Емеша дека ќе роди син, кој ќе биде првиот унгарски крал.^[4] Во средината на 9. век, Алмош станал врховен водач и обединувач на унгарските племиња. Тој бил и оној којк ги довел Унгацрите до Карпатите. Алмош не стигнал до Панонската низина, бидејќи во тоа време во кое сè уште траела големата преселба на народите, тој бил во години и по пат умрел.

Точното место на неговата смрт е непознато, а се претпоставува дека починал околу 895 година.

Потомство

• Арпад (околу 845 - околу 907)