Ана Пророчицата

Ана Пророчицата (хебрејски: חַנָּה‎‎, грчки: Ἄννα^[1]) — личност од Новиот завет, спомната во случајот кога бебето Исус е донесено во Ерусалимскиот храм. Почитувана од Православната црква во лицето на праведниците, споменот ѝ се празнува на 3 февруари заедно со Симеон Богопримец, и на 28 август (јулијански календар).^[2]

Ана Пророчицата
Ана Пророчицата
пророчица
Роден(а)	I век п.н.е.
Починал(а)	I век
Почитуван(а) во	Римокатоличка црква Православна црква
Слава	3 февруари

Ана, според евангелистот Лука, била побожна вдовица во Ерусалим: „ќерка на Фануил, од Асировото племе, во длабока старост, која од своето невинство проживеала со мажот седум години“ (Лука 2:36). На денот кога бебето Исус било донесено во Ерусалимскиот храм од неговите родители Марија и Јосиф за да го жртвуваат како машки првенец во согласност со тогашниот еврејски закон (Исход 12:12–15), Ана имала 84 години: „не отстапи од Храмот, служејќи Му на Бога со пост и молитва дење и ноќе“ (Лука 2:37).^[3]