Англиски деклинации

Во англискиот јазик некогаш постоел опширен систем на деклинации сличен на денешниот германски или исландски. Староанглискиот разликувал 5 падежа: номинатив, акузатив, датив, генитив и инструментал. Деклинирањето почнало да исчезнува за време на средноанглискиот јазик кога акузативните и дативните заменки се стопиле во една единствена објективна заменка. Во современиот англиски јазик именките не се деклинираат, освен некои остатоци од поранешниот систем кај заменките.

Серијал Англиска граматика
Англиска граматика Спорови во англиската граматика Англиски глаголи Англиски коњугациони таблици Англиски неправилни глаголи Англиски модални и помошни глаголи Англиски пасивен вид Англиски деклинации Англиски лични заменки Англиска множина Англиски сложенки Англиски хоноративи Англиски односни реченици Род во англискиот јазик
Кутијава: преглед разговор уреди

"Who" и "whom", "he" и "him", "she" и "her", и др. се остатоци од стариот номинатив наспроти акузатив, како и од номинативот наспроти дативот. Со други зборови, "her" (на пример) е и дативна и акузативна верзија на номинативната заменка "she". Во староанглискиот јазик секоја од овие имале посебен облик.

Претопувањето на заменките со засебни падежи во еден ист збор е причината што граматичарите сметаат дека дативот и акузативот во англискиот јазик се изумрени — ни двата не се идеални поими за улогата која ја игра зборот "whom". Наместо ова често се користи изразот објектив; т.е. "whom" е генеричка објективна заменка која укажува на директен или индиректен предмет. Номинативот "who", едноставно се нарекува субјектив. Смислата која порано засебните падежи ја пренесувале, денес се пренесува со употребата на предлози и збороред.

Современиот англиски морфолошки разликува само еден падеж - посесив — за кои некои јазичари велат дека воопшто не е ни падеж, туку клитика. Со само малку заменски исклучоци, објективот и субјективот секогаш имаат иста форма.

Еволуција на англиската деклинација

Прашални заменки

Стари машки/женски до современите лица

Падеж	Староанглиски	Средноанглиски	Современ англиски
Номинатив	hwā	who	who
Акузатив	hwone / hwæne	whom	who / whom1
Датив	hwām / hwǣm
Инструментал	hwȳ / hwon
Генитив	hwæs	whos	whose

¹ - Највоопштено: "whom" се користи во "формални" пригоди и во пишување, додека "who" е колоквијално или "неформално". Се разбира, мораме да ги земеме предвид и дијалектичките варијации.

Стар среден род до денешното

Падеж	Староанглиски	Средноанглиски	Современ англиски
Номинатив	hwæt	what	what
Акузатив	hwæt	what / whom
Датив	hwām / hwǣm
Инструментал	hwī
Генитив	hwæs	whos	whose1

¹ - Обично заменето со of which, освен каде што е несоодветно

Лични заменки од прво лице

Надворешни врски

• Преглед на староанглиските деклинации (PDF) Архивирано на 19 март 2007 г. (англиски)