Анте Велков

Анте Стојанов Велков ( 1926 во Црешево — 6 ноември 1944 во Чучер) — македонски партизан, борец за слобода на Македонија и учесник во НОВ.^[1]

Анте Велков
Роден	Црешево, Кралство СХС
Починал	6 ноември 1944 година Чучер, ДФ Македонија, ДФЈ
Почивалиште	Гробиштата во Црешево

Животопис

Произлегува од сиромашно селско семејство. По завршување на основното училиште, се занимавал со земјоделство. Во септември 1944 година стапил во Шеснаесеттата македонска ударна бригада. Во состав на истата учествувал во голем број борби против балистите. По успешно извршените воени операции во близина на Качаничкиот пат, неговата единица зазела позиции над селото Чучер. Оттаму ноќно време вршеле непрекинати акции против германските моторизирани колонии. Во една од тие борби, на 6 ноември 1944 година, храбро загинал на Чучерскиот Рид. Бил пренесен и закопан на селските гробишта во Црешево.^[1]