Арвида Бистрем

Арвида Бистрем (родена на 4 октомври 1991 година) - шведска уметница, која е главно позната како фотограф и модел.

Ран живот

Арвида Бистрем е родена на 4 октомври 1991 година, во близина на Стокхолм .

Уметност и фотографија

Бистрем почнала да фотографира на 12-годишна возраст со дигитален фотоапарат и направила многу селфиња за „да ја дознае вистината за тоа како те гледа светот“.^[1] Првично инспирирана од Тамблер, таа почнала да објавува слики и да учествува во заедница на женски уметници кои ја доведуваат во прашање женственоста и родовите стандарди.^[1]

Бистрем потоа се преселила во Лондон за да стане понезависна.^[1] Таа ја направила својата прва модна серија за Монки.^[2]

Бистрем претставила некои од нејзините фотографии во Бејб - книга објавена во мај 2015 година.^[3]

Бистрем го истражува сопствениот идентитет како квир жена и ги доведува во прашање сексуализираните женски тела. Заедно со уметникот Моли Сода, составила книга за цензурата на Инстаграм, наречена Слики или тоа не се случи: Слики забранети од Инстаграм. Книгата била објавена во март 2017 година и прикажува претежно слики од женски тела кои Инстаграм ги отстранил.^[4][5][6]