Ареометар

Ареометар — инструмент со кој брзо се определува релативната густина на течноста, и да се процени концентрацијата на шеќери, алкохол и киселина. Конструкцијата на ареометарот е заснована на закони за рамнотежа во хидростатиката. Тоа е затворена стаклена цевка, која во основата е поширока. Во поширокиот дел на цевката се поставени оловни сачми или жива, што овозможува ареометарот да плови во течноста вертикално. Горниот, потесен дел на ареометарот е снабден со скала, фабрички изградуирана во единици за густина, во определени граници на густина.

Ареометар

При мерењето со ареометар, тој се потопува во течноста чијашто густина се мери. Пропаѓањето на ареометарот е директно зависно од густината на течноста. Доколку густината е поголема, дотолку ареометарот помалку ќе потоне во течноста, и обратно. Читањето на густината се прави на тој начин што на скалата се чита поделката што се совпаѓа со нивото на течноста. Притоа, ареометарот дава најточни вредности кога мерењето се врши на температура на која што е градуирана неговата скала. Оваа температура е означена на секој ареометар.

Надворешни врски

„Ареометар“ на Ризницата ?

• Hypatia of Alexandria Архивирано на 6 септември 2010 г.
• Hydrometer Information
• Guide to Brewing Hydrometers
• Jurjen Draaijer. Milk Testing Архивирано на 21 октомври 2012 г.. Milk Producer Group Resource Book, Food and Agriculture Organization of the United Nations
• Using Your Hydrometer Архивирано на 10 октомври 2010 г., Winemaking Home Page.
• How The Hydrometer Works Архивирано на 2 март 2011 г., Home Winemaking Techniques