Арктур

Арктур или Алфа Воловар (α Boö) — најсветлата ѕвезда во соѕвездието Воловар. Со привидна величина од -0,04, таа е четврта најсветла ѕвезда на ноќното небо и најсветла на северната небесна полутопка.^[3] Арктур ​​е црвен џин кој се наоѓа на 36.7 светлосни години од Земјата^[4], што го прави најблиску од ваков вид. Неговиот радиус е 25 R_☉, масата е 1,08 M_☉ и возраста од 7,1 милијарди години.^[5]

Споредба на големината помеѓу Сонцето, жолто џуџе од спектрален тип G2V^[1] и Арктур, црвен џин од спектрален тип K1,5III.^[2]

Името Арктур ​​потекнува од Стара Грција, а е латинизирано од Ἀρκτοῦρος (Arktouros), што значи „Чувар на Мечката“.^[6] Ѕвездата ја има Бајеровата ознака „Алфа Воловар“ (Alpha Boötis).