Бабинска Река

Бабинска Река (позната и како Базерничка Река или Мала Река) — река во Југозападна Македонија и десна притока на Црна Река. Речните води се богати со охридска пастрмка со црвени точки. Тие исто така претставуваат извор за производство на електрична енергија.

Бабинска Река Базерничка Река Мала Река
Бабинска Река низ селото Базерник
Местоположба
Физички особености
Извор
• место	Плакенска Планина
Устие
• место	Црна Река
• координати	41°18′3″N 21°5′51″E
• надм. вис.	683 м
Особености на сливот
Течение	Црна Река → Вардар → Егејско Море
Речен слив	Вардар

Течение

Реката извира на Плакенска Планина, на надморска висина од 1.902 м. Нејзиното течение понатаму се спушта по падините на планината, поминува низ селата Базерник и Бабино, по што се влева во Црна Река.^[1]

Рибарство

Бабинска Река е богата со охридска пастрмка со црвени точки. Во атарот на селото Бабино се наоѓа истоимениот рибник „Бабино“. Рибникот е сместен меѓу два зелени речни брега, каде што извира вода со капацитет од 30 до 200 литри л/с. Неговиот капацитет е годишно производство на пастрмка од 80.000 кг. Рибникот претставува туристичка атракција во демирхисарскиот крај и е посетуван особено во летниот период.^[2]

Енергетика

По течението на реката е изградена малата хидроцентрала „Мала Река“ со моќност од 270 KW.^[3]

Галерија

• 
  Течението на Бабинска Река
• 
  Малата хидроелектрана „Мала Река“ изградена на реката
• 
  Течението на Бабинска Река

Поврзано

• Базерник
• Бабино