Балеарско Море

40°0′N 1°30′E

Карта на Балеарското Море

Сателитска снимка на Балеарското Море

Балеарското Море или Ибериско Море (шпан. и катал. Mar Balear) е водна површина во Средоземното Море близу Балеарските Острови. Во каталонскиот јазик морето се нарекува и „Каталонско-балеарско Море“ (Mar Catalanobalear).

Во ова мало море се влева реката Ебро.

Граници

Според Меѓународната хидрографска организација, Балеарското Море ги има следниве граници:^[1]

Помеѓу Балеарските Острови и крајбрежјето на Шпанија, ограничено:

На југозапад. Линија од ‘ртот Сан Антонио (38°50′N 0°12′E) до ‘ртот Берберија, југозападниот крај на Фурмантера (Балеарски Острови).

На југоисток. Јужното крајбрежје на Фурмантера, оттаму линија до ‘ртот Ротха, неговиот источен крај, па до јужниот крај на островот Кабрера (39°07′N 2°54′E) и до Ветровитиот Остров, близу јужниот крај на Минорка.

На североисток. Источното крајбрежје на Минорка до ‘ртот Фаварич (40°00′N 4°14′E), а оттаму линија до ‘ртот Сан Себастијан (Шпанија) (41°54′N 3°10′E).