Банши

Банши е женски дух од ирската митологија којшто носи вести за смртта на некој познаник, преку врескање.

Бунворт Банши

Опис

Постојат повеќе варијанти на банши. Банши е најчесто опишана како жена која што носи сива наметка и зелен фустан, и има долга црвеникава коса, а очите ѝ се црвени од постојаното плачење.^[1] Најчесто се појавува како постара жена, но може да биде и помлада.

Оплакување

Во Ирска и во некои делови од Шкотска, традиција е да има жена која што испушта крици на жалост. Оваа жена во некои случаи е и професионалец.

Ирските легенди велат дека имало „песна на жалост“ која што самовила ја пее пред или откако некој ќе умре, и најчесто ја предупредува фамилијата на човекот дека тој ќе умре.^[2][3] Кога неколку баншии ќе се појават, тоа е предзнак за смртта на некој голем или свет.^[4] Се сметало дека банши било дух на убиена жена, или на мајка која умрела при пораѓај.^[1].