Белковинско потсемејство

Белковинско потсемејство — степен во класификацијата на белковините врз основа на нивните блиски еволутивни односи. Ова ниво се наоѓа под повисоките степени на белковинско семејство и белковинско натсемејство.^[1]

Белковините обично делат поголема сличност во аминокиселинската низа и функцијата со членовите во склоп на едно потсемејство, отколку со членовите на семејството.^[1][2] На пример, во SCOP системот за класификација, членовите на едно потсемејство споделуваат исто посредиште на заемодејство и заемодејствени партнери.^[3] Овие критериуми се построги отколку кај семејството, каде членовите имаат слични структури, но можат да бидат подалечно сродни и да имаат различни поседишта. Постојат различни методи за назначување на потсемејство, вклучувајќи сличности во низата,^[4] низни мотиви поврзани со функцијата,^[5] или филогенетски клад.^[6][7] Не постои прецизна и доследна разлика меѓу белковинско потсемејство и семејство. Иста група на белковини понекогаш може да биде опишана како семејство или како потсемејство, во зависност од контекстот.