Бентос

Бентосот — група на водни организми составена од животни форми кои живеат на дното од водните екосистеми. Застапени се од литоралот, па до ултраабисалот. Сите тие се одликуваат со неколку посебни прилагодби за живот на дното:

1. Поголемиот дел животни се со радијална симетрија (Cnidaria, Echinodermata) или се асиметрични (Porifera);
2. Поголемиот дел се со вреќовиден план на градба на телото, без анален отвор (Cnidaria – Anthozoa, Hydrozoa);
3. Најчесто филтраторен начин на исхранување, со разни видови на перести жабри (Polychaeta) и филтраторни апарати (Bivalvia);
4. Одредени претставници живеат во куќички кои служат како заштита (пред сè Polychaeta и Rotifera);
5. Посебен животен фактор е супстратот за кој се прикрепени.

Поделба по големина

Макробентос

Опфаќа поголеми, видливи форми, обично поголеми од 1 mm.

• 
  Морски треви.
• 
  Иглокожи.
• 
  Асцидија која служи како супстрат за јајцевата спирала на голожабрените полжави.
• 
  Микрофотографија на типични макробентосни животни од слатките води.

Мејобентос

Тоа е ситен бентос кој опфаќа организми помали од 1 mm, но пошироки од 32 µm.

• 
  Живи дупконосци од видот Ammonia tepida (Rotaliida).
• 
  Тардиград од видот Hypsibius dujardini.
• 
  Мешестотрепчести црви.
• 
  Копеподи.

Микробентос

Тоа е микроскопски бентос кој опфаќа форми помали од 32 µm.

• 
  Морски дијатомеи.
• 
  Цилијатот Stentor roeseli.
• 
  Флагелат.

Поврзано

• Планктон
• Нектон
• Неустон
• Перифитон