Бискупија

Бискупија^[1][2] (латински: episcopia или латински: dioecesis) — име за административна единица во неправославни христијански заедници со традиционален бискупско уредување, како што се Римокатоличката црква, Англиканската црква и некои други цркви кои исто така припаѓаат на западното христијанство.^[3][4]

Во Православната црква и во некои други цркви што припаѓаат на источното христијанство, пандан на бискупијата е епархијата.^[5]

Со бискупијата управува бискуп.^[6]

Организација

На чело на бискупијата се наоѓа бискуп, односно бискуп суфраган. Тој може да има и помошни, викарни бискупи. Бискупијата е понатаму поделена на жупи, на чело со жупници. Жупникот може да ја врши службата сам, но може да му бидат доделени и помошни жупници.

Понекогаш жупите се обединуваат во деканати, на чело се декани. Тие се непосредно подредени на диецезискиот бискуп и ја надгледуваат работата на сите подредени жупници.

Надбискупија

Во Римокатоличката и Англиканската црква, поважна бискупија со која управува надбискуп се нарекува надбискупија. Воедно таа може да биде и метрополија, но не мора да биде.

Сите бискупии влегуваат во состав на метрополијата, а нивните бискупи се нарекуваат бискупи суфрагани.

Други цркви

Бискупија или диецеза е исто така црковно-административна единица во некои други христијански цркви. Некои протестантски цркви го задржале бискупското уредување дури и по реформацијата.

Поврзано

• Бискуп
• Надбискуп
• Надбискупија
• Метрополит
• Метрополија
• Кардинал