Блинкер

Блинкер^[1][2] — вештачка мамка направена од метал што се користи за риболов на грабливи риби.

Блинкер

Опис

Сјајното метално тело е вдлабнато на рамната страна во насока слична на лажица, што предизвикува буквално да се затетерува низ водата кога се вади, имитирајќи болна риба, што ја прави привлечен плен за грабливите риби. Честопати, блинкерите се украсуваат со шарени пердуви или пластични додатоци за да се зголеми нивната привлечност, а со тоа и нивната леснотија на фаќање.

Употреба

Блинкерите се лесни за користење, а покрај тоа, имаат предност во однос на слични вештачки мамки како што се спинерите или воблерите, бидејќи можат да се водат и вертикално под врвот на стапот. Ова овозможува целење на длабоки места или други ветувачки места за риболов дури и во предизвикувачки води со малку простор за фрлање.

Со блинкер обично се лови штука или костреш, а со посебни големи модели и сом, секако со нив може да се ловат и други грабливи риби. Во Охридското Езеро блинкерот се користи за риболов на пастрмката.

Употребата на блинкерот во Охридското Езеро

Вака блинкерот со канџата се врзува на многу танка жила 0,30 мм. наречена серкама која се става на друга жила дебела 0,60 мм или 0,70 мм врзана на неа во јазол. На подебелата жила се ставаат по 5 блинкери со серкамата на секои 4 м, а на крајот на оваа жил се става олово во конусен облик кое се фрла на крајот во водата, т.е. по блинкерот за тие да пропаднат. Целата оваа направа се вика „конец“. На крајот од конецот рибарот прави јазол низ кој се провира дебел ластик претходно поставен на долго тенко дрво (стап). Вака подготвениот стап се става на некое погодно место кое ќе биде на доглед на рибарот, па кога ластикот ќе се затегне, рибарот добива знак дека на блинкерот има риба, па го преберува конецот и со помош на кепчето ја вади рибата. Рибарите фрлаат од 15 до 20 конци со помош на две кајчиња-чамци при што едното ги влече конците, а другото ги преберува. Помошно средство на блинкерот е „кепчето“. Направено е во вид на капа, прикачена на метален обрач, на кој се става дршка од дрво. Се користи за црпење на рибата фатена на блинкерот.^[3]

Патент

1931/1934 ließ Dr. h. c. Alexander Behm aus Kiel einen künstlichen Fischköder, einen Blinker "aus (glänzend poliertem) Blech oder anderem Material" patentieren.