Божин Стојановски

Божин Панков Стојановски ( 1926 во Сопиште — 29 април 1945 во Пакрац) — македонски партизан, борец за слобода на Македонија и учесник во НОВ.^[1]

Божин Стојановски
Роден	1926 година Сопиште, Кралство СХС
Починал	29 април 1945 Пакрац, Независна Држава Хрватска

Животопис

Произлегува од сиромашно семејство. Завршил основно училиште, а подоцна се занимавал со земјоделство. Во септември 1944 година стапил во Дополнителната бригада, а подоцна преминал во Шеснаесеттата македонска ударна бригада со која заминал на Косово. Таму учествувал во ликвидирањето на одметнатите балистички банди. Потоа се префрлил во Срем, каде се обучил во ракувањето со новоприменото оружје. Цели 15 денови војувал во Сремскиот реон. Биле ослободени многу села и градови, при што биле заробени или убиени илјадиници непријателски војници. Но, во Пакрачките шуми при еден судир со непријателот, тој загинал на 29 април 1945 година и бил закопан на местото каде што загинал.