Велебитски Канал

Велебитски канал (хрватски: Velebitski kanal, Podgorski kanal или Planinski kanal; италијански: Canale della Morlacca (Морлачки канал) или Canale della Montagna (Планински канал)) ― канал во Хрватска смстен помеѓу копното во подножјето на планинскиот венец Велебит и островите Паг, Раб, Голи Оток, Првиќ и Крк. Долг е околу 121 км, со просечна ширина од 3-4 км и длабочина до 106 м.^[1]

Поглед кон Велебитскиот канал.

Се верува дека некои Истророманци го преминале Велебитскиот канал и се населиле во западниот дел на островот Крк во втората половина на 15 век, образувајќи заедница на островот која опстанала до 1875 година, кога последниот говорник на истророманскиот јазик во Крк, дефиниран од некои хрватски научници како „кркоромански“, починал.^[2] Едно од италијанските имиња за Велебитскиот канал, Canale della Morlacca („Морлачки канал/Канал на Морлаците“), потекнува од овие преселби.^[3]