Венцен (слободна област)

Венцен (германски: Wenzen) — слободна област во округот Холцминден, во сојузната покраина Долна Саксонија, Германија. Името на областа доаѓа од градската единица Венцен на градот Ајнбек во округот Нортхајм. Областа целосно се наоѓа на ридовите Хилс.

Местоположбата на областа во округот Холцминден

Има површина од 15,84 км^2[1] и се граничи со слободната област Ајмен на запад, со слободната област Гриненплан на север и со општината Делигзен на север и на исток во истиот округ. Покрај нив, на југ се граничи со градот Ајнбек во округот Нортхајм.

Слободната област е ненаселена. Иако таму нема пријавени жители, од административни причини ѝ е доделен управниот број 03 2 55 507.^[1]