Посетница

Посетница^[1][2] или визит-карта^[3][4] — картичка што содржи деловни информации за компанија или поединец ангажиран во бизнис.^[5][6] Се споделува за време на формални настани. Обично вклучува: име на давателот на картичката, компанијата или деловна припадност (обично со лого) и информации за контакт, како што се адреса, телефонски броеви, броеви на факс, е-адреси и мрежно место . Со развојот на услугите за социјално вмрежување, често на посетниците се наоѓаат и страниците на социјалните мрежи. Картичките традиционално имале едноставен црн текст на бела заднина, а препознатливиот изглед бил посакуван знак на професионалност. Технолошкиот напредок на крајот на XX век внел промени во стилот, па професионалните посетници често вклучуваат еден или повеќе аспекти на впечатлив визуелен дизајн.

Посетница на Војислав Илиќ Помладиот од 1922 година.

Не постои стандард за размерите на посетниците. Некои се со слични размери поради можноста за полесно складирање. На пример, банкарските картички (85,60 × 53,98 мм) и деловните картички во Западна Европа (85 × 55 мм) се речиси со иста големина.