Виолета Чакарова

Виолета Чакарова (р. 1961 , Прилеп) — македонска театарска, филмска и телевизиска глумица.

Виолета Чакарова
Роден	1961 (воз. 63–64 г.) Прилеп, НР Македонија, ФНРЈ
Националност	Македонка
Народност	Македонка
Познат	по улогите во: Три во едно Авантурите на Итар Пејо
Занимање	глумица

Животопис

Пред своето вработување во Театарот „Војдан Чернодрински“ од Прилеп како професионална глумица во 1984 година, таа работела две години како глумец-аматер во истиот ансамбл. До денес има одиграно повеќе од 70 главни и епизодни улоги на матична сцена. Уште на почетокот на нејзината кариера и е доверена главната улога на Коштана во истоимената пиеса во режија на Петре Прличко со која се пробива на домашната театарска сцена во 1982 година. Во 1990 година на МТФ „Војдан Чернодрински“, таа ја добила наградата за млада глумица за своето остварување во претставата „Големиот брилијантен валцер“ во режија на Стојан Стојаноски. Од својата театрографија, истакнувачки се соработките во сите претстави на матичната сцена во режија на Мартин Кочовски и Коле Ангеловски, како и улогите во „Буре барут“ во режија на Наташа Поплавска, Бисера во „Духот на слободата“, Кате во „Разбуди се Кате“ (режисер Благоја Дамески), „Маките на Живоин“ во режија на Ацо Алексов, итн.

Филмографија

Година	Филм	Улога
1988	Македонски народни приказни ТВ-серија
1988	Ел камино дел сур ТВ-филм
1991	Македонија може ТВ-серија
2009	Стапица ТВ-филм	Жената
2010	Антица ТВ-филм	Баба Анѓа
2013-2014	Авантурите на Итар Пејо ТВ-серија	Жената на бакалот
2014	Приказни од животот ТВ-серија	Марта
2015	Три во едно ТВ-филм	Жената
2023-2024	Македонски стари приказни ТВ-серија	Митра

Награди

• Награда за млад глумец „Трајко Чоревски“ на МТФ „Војдан Чернодрински“, за улогата на ликот Љубица во претставата „Големиот брилијантен валцер“ (1990).

Надворешни врски

• Виолета Чакарова на Семрежната филмска база на податоци (англиски)