Владимир Панков

Владимир Панков — претседател на здружението Радко во Македонија.

Владимир Панков
Роден	Владимир Паунковски 1954 Охрид, СР Македонија, Југославија
Починал	5 јануари 2019 Охрид, Македонија
Занимање	дипломиран економист

Животопис

Панков е роден како Владимир Паунковски во Охрид, Македонија. По образование е економист. По распадот на СФР Југославија во 1993 година се обидува да создаде во Република Македонија организација на Бугарите , под името ВМРО, но уставот не е регистриран во судот.^[1] На 30 јули 1996 година станува бугарски граѓанин. Потоа го менува презимето во Панков. Во ноември 1996 година, органите на власта во Македонија му го одземаат бугарскиот пасош^{[се бара извор]}. По неколку притворања, штрајк со глад и интервенцијата на бугарските органи на власта, пасошот му е вратен. Една година престојува во Бугарија, подоцна во 1998 година се враќа во Македонија.^[2]

Во 2000 година станува претседател на Здружение Радко, кое во 2001 година е прогласено за противоуставно. Во јануари 2008 година, „Радко“ го добива делото во Судот за правата на човекот во Стразбур против Република Македонија.^[3][4][5]

Панков е автор на книгата „Историската вистина за културниот идентитет на словенското население во Република Македонија“ (бугарски: „Историческата истина за културната идентичност на славянското население в Република Македония“), издадена во 2004 година.^[6]

Панков умрел на 5 јануари 2019 година.^[7]