Војчо Коларовски

Војчо Ј. Коларовски ( ? во Бањане, Скопско — 1944 во Чучер, Скопско) — македонски партизан, борец за слобода на Македонија и учесник во НОВ.^[1]

Спомен-плоча од НОБ во Бањани, на која се наоѓа името на Војчо Коларовски

Животопис

Произлегува од сиромашно селско семејство. Завршил основно училиште. Во 1941 и 1942 година селаните од Бањани активно го помагале Првиот и Вториот скопски партизански одред. Доаѓањето на Шеснаесеттата македонска ударна бригада на овој терен, есента 1944 година, ја пречекале со радост. Во септември 1944 година стапил во бригадата и се борел против балистите. Во една од борбите против балистичките банди во октомври 1944 година, храбро загинал кај соседното село Чучер. Бил закопан на селските гробишта.^[1]