Гари Купер

Гари Купер (роден како Френк Џејмс Купер; 7 мај 1901 година) – 13 мај 1961) бил американски актер познат по својата силна и тивка персона и дискретниот стил на глума. Тој двапати ја освоил наградата Оскар за најдобар глумец, бил уште три пати номиниран, а освоил и почесна награда на Оскар во 1961 година за неговите кариерни достигнувања. Купер бил еден од 10-те топ филмски личности 23 години по ред и една од ѕвездите со најголема заработка 18 години. Американскиот филмски институт (AFI) го рангирал Купер на 11-то место на нејзината листа на 50 најголеми легенди на американската класична кинематографија.

Гари Купер
Купер во 1952 г.
Роден(а)	Френк Џејмс Купер мај 7, 1901(1901-05-07) Хелена, Монтана, САД
Починал(а)	мај 13, 1961(1961-05-13) (возр. 60) Лос Анџелес, Калифорнија, САД
Почивалиште	Сејкред Хартс гробишта, Њујорк, САД
Други имиња	Куп
Занимање	глумец
Активен период	1925–1961
Сопружник	Вероника Купер (в. 1933)
Деца	1
Родители	Чарлс Х. Купер Алис Купер
Потпис
Страница garycooper.com

Кариерата на Купер траела 36 години, од 1925 до 1961 година, и вклучувала главни улоги во 84 играни филмови. Тој бил голема филмска ѕвезда од крајот на ерата на немиот филм до крајот на златното доба на Холивуд. Неговата екранска личност многу им се допаѓала и на мажите и на жените, а тој имал улоги во речиси сите главни филмски жанрови. Неговата способност да ја проектира сопствената личност врз ликовите што ги играл придонела за неговиот природен и автентичен изглед на екранот.

Купер ја започнал својата кариера како филмски статист и каскадер, но наскоро добил и актерски улоги. Откако се етаблирал како вестерн херој во своите рани неми филмови, станал филмска ѕвезда со својот прв звучен филм, играјќи ја главната улога во филмот Вирџиниецот од 1929 година. Во раните 1930-ти, го прошири својот херојски имиџ за да вклучи попретпазливи ликови во авантуристички филмови и драми како што се Збогум на оружјето (1932) и Животот на бенгалскиот лансер“ж (1935). За време на врвот на својата кариера, Купер портретирал нов тип херој, бранител на обичниот човек во филмови како што се Господин Дидс оди во град (1936), Запознајте го Џон Доу (1941), Наредник Јорк (1941), Гордоста на Јенкиите (1942) и За кого бијат камбаните (1943). Подоцна глумел позрели ликови во судир со светот во филмовите: Фаунтаунхемптон (1949) и Точно на пладне (1952). Во своите последни филмови, Купер играл ненасилни ликови кои се искупувале во филмови како што се Пријателско убедување (1956) и Човек од Западот (1958).

Награди и номинации

Year	Award	Category	Film	Result
1937	Оскар	Најдобар глумец	Господинот Дидс оди во град	Номинација
1937	Награда од кругот на филмските критичари во Њујорк	Најдобар глумец		Номинација
1941			Наредник Јорк	Победник
1942	Оскар	Најдобар глумец		Победник
1943			Гордоста на Јенките	Номинација
1944			За кого бијат камбаните	Номинација
1945	Награда од кругот на филмските критичари во Њујорк	Најдобар глумец	Дојде Џонс	Номинација
1952	Награда Фотоплеј	Најпопуларен глумец	Точно на пладне	Победник
1953	Оскар	Најдобар глумец		Победник
1953	Награда Златен Глобус	Најдобар глумец		Победник
1953	Награда од кругот на филмските критичари во Њујорк	Најдобар глумец		Номинација
1957	Награда Златен Глобус	Најдобар глумец	Пријателско убедување	Номинација
1957	Награда од кругот на филмските критичари во Њујорк	Најдобар глумец		Номинација
1959	Награда Лорел	Најдобра изведба во акционен филм	Дрво за бесење	Победник
1960			Дојдоа во Кордура	Победник	[1]
1961	Оскар	Почесна награда		Победник